Drivhusgassimik mingutsitsineq tamakkerlugu, UNFCCC-imi nalunaarsuineq malillugu
Kalaallit Nunaanni nukissiuutinit atuinermit, suliffissuarni suliaqarnernit, arrortitsinerni, nunalerinermit, eqqagassalerinernit allaniillu silaannarsuarmik mingutsitsineq tamakkiisoq FN-imut Klima Konventionimut (UNFCCC) ukiumut ataasiarluni nalunaarutigineqartarpoq. Nalunarutigineqartartut tassaapput drivhusgassit kuldioxid (CO2), metan (CH4) aamma lattergas (N2O) suliffissuarnit drivhusgassit flourinik akullit HFC aamma SF6,. UNFCCC-mut nalunaarutigineqartartut silaannarsuarmik drivhusgassimik mingutsitsineq tabel 2-mi takuneqarsinnaapput.
Titartakkami 5-imi takuneqarsinnaavoq drivhusgassimik silaannarsuarmik mingutsitsineq taakkununnga ilanngullugit orpipassuarni aamma nunaminertani CO2-p sunniutai. 2015-imi drivhusgassimik CO2-mik silaannarsuarmik mingutsitsineq 558.456-iusimavoq. 2014-imut sanilliullugu 0,6 pct.-imik annertuseriarneruvoq, kisianni 1990-imut sanilliullugu 14,4 pct.-mik annikilleriarnerulluni.
Titartagaq 5. Drivhusgassimik silaannarsuarmik mingutsitsineq tamakkerlugu, UNFCCC-mut nalunaarusiaq malillugu
UNFCCC-mut nalunaarutigineqarpoq nukissiuutinit silaannarsuarmik mingutsitsineq drivhusgassinit mingutsitsinermi annertunerpaajusoq. 2015-imi silaannarsuarmik mingutsitsineq ima isikkoqarpoq: nukissiuutinit atuinermit 93,8 pct.-inik mingutsitsiffiuvoq, eqqagassalerinermit mingutsitsineq 2,6 pct.-iusoq, suliffissuarni suliaqarnermit allanilu mingutsitsineq 1,9 pct.-iuvoq, nunalerinermi mingutsitsineq 1,5 pct.-iusoq kiisalu orpipaassuarni nunaminertaniillu mingutsitsineq 0,2 pct.-iulluni.
Titartagaq 6. Drivhusgassinit silaannarsuarmik mingutsitsineq suminngaanniit mingutsitsisoqarnersoq tunngavigalugu
Drivhusgassit silaannarsuarmik mingutsitsinermi
mingutsitsisut assigiinngitsuupput. Drivhusgassimik
mingutsitsineq annerpaaq kuldioxidimeersuuvoq
(CO2), 2015-imi 94,0 pct.-iulluni. Drivhusgassimik
mingutsitsinerpaat tullerisimavaat Metan (CH4) 2,5
pct.-iusimagami, tulliulluni lattergassi (N2O) 1,7
pct.-iulluni. Suliffissuarnit gassit (f-gasserne)
mingutsitsisut 1,8 pct.-erisimavaat.
Nukissiuutinut ikummatissat CO2-mik silaannarsuarmi mingutsitsinerpaajusimapput. Metanimik lattergasimillu mingutsitsinerpaajusimapput eqqagassalerinerit, nunalerineq aamma metanimik mingutsitseqataasimavoq.
Titartagaq 7. 2015-imi drivhusgassit silaannarsuarmik mingutsitsinerat
